Баяр
наадмын арга хэмжээ, АСЕМ-ын чуулга уулзалт гээд олон үйл явдал
давхацсан сүүлийн хэдэн өдрүүдэд нийслэлийнхэн маань бараг тэр чигээрээ
шахуу хөдөөг зорьсон гэхэд маргах хүн гарахгүй биз. Тэр дундаа олны
танил эрхмүүд байгалийн үзэсгэлэнт газруудаар аялж зугаалан амралт,
чөлөөт цагаа үр дүнтэй өнгөрүүлээд ирсэндээ тун ч сэтгэл хангалуун
байгаа нь үнэн.
Зарим нь бүр эх орныхоо байгалийн сайхныг гайхан биширч, амттайхан аялалаасаа хараахан ирж амжаагүй байгаа. Тэгвэл саяхан Асашёрюү Д.Дагвадорж хэсэг найз нөхдийн хамт загасанд явж, чамгүй олз омогтой ирсэн тухайгаа цахим ертөнцөд дэлгээд авчээ. "Ажил ихтэй, амралт олдохгүй... Хоёр хоног Өгий нуур яваад ирлээ.
Нэр төрийн GOAL-аа хийсээн, хийсэн” хэмээн бардамхан өгүүлсэн тэрбээр өөрийн барьсан энэхүү загасны зургаа олонд сонирхуулсан байна. Харин түүнтэй хамт нэг нууранд загасчилж байгаагаа "мэдээгүй” өнгөрсөн зарим хүмүүс их аваргыг танилгүй явуулсандаа ихэд харамссан гэнэ шүү. Ан авд хорхойтой, загасчлах дуртай Д.Дагвадорж аваргын хувьд энэ зуныг тун ч сонирхолтойгоор өнгөрүүлэх төлөвлөгөөтэй байгаа ажээ.
С.Цахиур
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих