Цагаан-Овоо суманд 5 хүн "Чойбалсан" архинд хордсон хэрэг саяхан гарчээ. Мэдээллийн мөрөөр аймгийн МХГ, ЦГ хамтран шалгалт хийж, архины дээжийг итгэмжлэгдсэн лабораторид шинжлүүлэхэд аюулгүй үзүүлэлтийн шаардлага хангаж байгаа ч стандартын горим алдагдсанаас хүний эрүүл мэндэд сөргөөр нөлөөлсөн гэж тогтоожээ. Тодруулбал ариун цэвэр, эрүүл ахуйн горим алдаж, ус, шил савыг дутуу ариутгаснаас үүдэлтэй гэж үзсэн байна.

 

Тиймээс зөрчил гаргасан "Анчир" компанид захиргааны арга хэмжээ тооцож, мөнгөн торгууль ногдуулан, зөрчлийг арилгах талаар албан шаардлага хүргүүлжээ. Хордсон архинд тунадас үүссэн байсныг шалгалт хийсэн байцаагч нар хэлж байна. Архинд хордсон иргэд одоогоор Цагаан-Овоо сумын эмнэлэгт эмчлүүлж байна.

 

 

ДОРНОД