"Рапс” хэмээх тосны ургамал экспортолдог дөрвөн аж ахуйн нэгж, хоёр хувь хүн МХЕГ-ын Хилийн хяналтын газрын даргын шударга бус үйлдлийг шалгуулахаар ШӨХТГ, АТГ-т ханджээ. Тухайлбал Хилийн хяналтын газрын одоогийн дарга нь өнгөрсөн нэгдүгээр сард томилогдож байсан аж.

Ийнхүү ажлаа авснаас хойш "Рапс” экспортолж байсан 10-аад аж ахуйн нэгжийг "Эрсдлийн үнэлгээ хийлгэсэн байх ёстой” гэсэн шалтгаанаар төрийн бай­гууллага хүнд суртал гарган, дотоодын аж ахуйн нэгжүүдийн үйл ажиллагааг хааж боогдуулж байсан гэнэ.

Мөн нэг хүний мэдэлд байдаг "Батбуудай” ХХК, "Уудам-Оргил” ХХК-д давуу эрх олгож, бизнесийн шударга өрсөлдөөнийг боогдуулж, хувийн ашиг сонирх­лоор хандаж байгаа учраас тэд хуулийн бай­гууллагад хандаад байгаа нь энэ аж.

Хамгийн асуудалтай нь "Батбуудай” ХХК, "Уудам-Оргил” ХХК нь "Рапс” огт тарьдаггүй, зөвхөн зуучлагчийн үүрэг гүй­цэтгэдэг аж. Гэтэл ийм компани яаж эрсдэлийн үнэлгээг хийлгээд байгаа нь хачирхалтай гэж эх сурвалжууд хэлж байв.

Эх сурвалж:

URL: http://www.choibalsan.mn/index.php?newsid=3602