Сар шинийн өдрүүдэд Сүхбаатар аймгийн Шилийн богдыг зорих сүсэгтэн олны урт цуваа үргэлжилдэг. Манай аймгаас ч өдөр тутам цөөнгүй иргэд Шилийн богдыг зорин явсаар байгаа. Тэгвэл тус аймгийн нутгаар цас ихтэй байгаагаас автомашин саатах тохиолдол гарч байна. Тухайлбал өчигдөр Шилийн богдоос 50 км зайтай газар 2 автомашин цасанд сууж, шатахуун нь дуусчээ. Ингээд тус аймгийн ОБХ-ийн албан хаагчид очиж 7 иргэнийг Баруун-Урт хотноо хүргэсэн байна.

Шилийн богдод гарч хийморио сэргээх гэж буй иргэд техник хэрэгслийн бүрэн бүтэн байдлаа сайтар базааж замд гарахыг анхааруулж байна.