Дорнод аймгийн Хэрлэн суманд үйл ажиллагаа явуулдаг "Адуунчулуун”-ы нүүрсний ил уурхайд ес хоногийн турш гал гарч байна. Гал анх дөрөвдүгээр сарын 1-ны өдөр гарч эхэлсэн бөгөөд 4-нд галын 50 хувь, 6-ны өдөр 70 хувийг унтраасан ч салхи ихтэй байгаагаас гал дахин дэгджээ.

Одоогийн байдлаар уурхайд гарсан галыг унтраахаар Дорнод аймгийн Онцгой байдлын Гал унтраах, аврах 52 дугаар ангийн 16 алба хаагч, "Адуунчулуун” ХХК-ийн 25 ажилтан ажиллаж байгаа аж. Ес хоногийн турш гарсан гал уурхайн 30 орчим га талбайг хамраад байгаа аж.

Б.Дэжид

---