Онцгой байдлын газрын мэдээллээр өчигдөр Дорнод аймагт хоёр түймэр гарчээ. Тухайлбал Матад сумын төвөөс зүүн хойш 150 км-т Мэнэнгийн талд хээрийн түймэр гарсан байна. Гал түймрийг Хилийн 0306 дугаар ангийн 20 албан хаагч 21 цагийн үед унтраажээ.

Мөн өчигдөр 16 цагийн үед Хэрлэн сумын 4 дүгээр багийн 11 дүгээр гудамжны 8 тоотод иргэн М-ийн амбаар шатжээ. Дуудлагын дагуу Гал унтраах, аврах 52 дугаар ангийн 6 албан хаагч, 1 техник хэрэгсэлтэйгээр ажиллаж унтраасан байна.

URL: http://www.choibalsan.mn/index.php?newsid=10637