Өчигдөр хууль зүйн байнгын хороо хаалттай хуралдаж, Хууль Зүйн сайд Х.Тэмүүжинийг огцруулах асуудлыг хэлэлцлээ. Хурлаас Х.Тэмүүжинг огцруулах нь зүйтэй гэсэн шийдвэр гаргалаа. Огцруулах шийдвэрийн эсрэг кноп дарсан хүмүүс нь УИХ-ын гишүүн С.Баярцогт, Р.Гончигдорж нар байлаа. Хууль зүйн байнгын хороонд 19 гишүүн байдгийн ес нь АН-ын гишүүн юм. Үүнээс харахад Ардчилсан нам дотроо хагаралтай, дотооддоо зөрчилтэй байгаагийн илрэл хэмээн дүгнэх хүмүүс байна. Харин бидэнд мэдээлэл өгсөн албаны эх сурвалжийн хэлж байгаагаар 18 настай иргэн С гэгчтэй хар тамхины сэжмээр холбогдсон. Өөрөө хар тамхины томоохон бүлэглэлийн зуучлагч болох нь тогтоогдсон гэж мэдээллээ. Энэ асуудлыг нь хэд хоногийн өмнө Үндэсний Аюулгүй Байдлын зөвлөл хурлаараа авч хэлэлцсэн юм.

 

Мэдээж хурлын шийдвэр нууц хэвээр байна. Харин дайран дээр давс гэгчээр О.Баасанхүү гишүүний Х.Тэмүүжин сайдыг огцруулах асуудал давхардаж таарч, түүний булхайг олон нийтэд мэдэгдэлгүйгээр далдлах өнгөлөлт боллоо гэж эх сурвалж үзэж байгаагаа хэллээ. О.Баасанхүү гишүүний хувьд өмнө нь "Хууль зүйн сайд Х.Тэмүүжинг 3.2 тэрбум төгрөгийн эмнэлгийн тоног төхөөрөмж буюу аппаратыг эвдсэн гэсэн үндэслэлээр буруутгаж, огцруулахбичиг өргөн барих гэж байна” хэмээн өөрийн цахим хуудастаа бичиж байсан.Өөрөөр хэлбэл О.Баасанхүү гишүүний УИХ-ын дарга З.Энхболдод өргөн барьсан төсөлд нууц гээд байх зүйл байхгүйг эх сурвалж онцолж байна. Энэ талаар О.Баасанхүү гишүүнээс лавлахад ард түмнээс нууж хаагаад байх зүйлгүй. Засгийн газрын гишүүний ёс зүйн шаардлагыг хангахгүй гэсэн үндэслэлээр огцруулах тухай төсөлд тусгасан байгаа гэв.Үүнээс харахад хууль зүйн байнгын хороо Х.Тэмүүжин гишүүнийг огцруулах асуудлыг нууцаар хэлэлцсэн нь эх сурвалжийн мэдээллийг улам бататгаж өгсөн явдал боллоо.