Энэ 11-р сарын 3, 4, 6-нд ихэнх нутгаар 0,0-5,1мм, 5-нд нутгийн хойд хэсгээр 0,0-2,0мм цас орлоо. Өнгөрсөн 7 хоногт орсон тунадасыг нийлбэрээр нь авч үзвэл Баян-Уул, Баянтүмэн, Булган, Гурванзагал, Сэргэлэн орчмоор 7,5-9,0мм, бусад нутгаар 0,0-6,5мм тунадас орсон байна. 6-ний өглөөний байдлаар сумдын төв дээрх цасан бүрхүүлийн зузаан Баян-Уулд 19см, Баянтүмэнд 18см, Баяндун,  Цагаан-Овоо, Сэргэлэнд 12-14см, Булган, Чойбалсан хот орчмоор 10см, бусад нутгаар 1-9см зузаан болоод байна.Өнгөрсөн долоо хоногийн эхээр шөнөдөө нутгийн хойд хэсгээр 23-28 градус, бусад нутгаар 16-21 градус, өдөртөө нийт нутгаар 5-10 градус, 3, 4-нд нийт нутгаар шөнөдөө 5-12градус, өдөртөө 0-5градус, бусад хугацаанд шөнөдөө 10-15градус, өдөртөө 3-8 градус хүйтэн байлаа. Харин энэ долоо хоногт 10-нд ихэнх нутгаар цас орно. Салхи их төлөв баруунаас 4-9м/с, 10-нд 7-12м/с хүрч ширүүснэ. Шөнөдөө нутгийн хойд хэсгээр 23-28 градус бусад нутгаар 18-23 градус, өдөртөө нийт нутгаар 7-12 градус хүйтэн байх төлөвтэй байна..

dornodmedee.mn