"ХДХВ, ДОХ, БЗДХ-т өвчнөөс урьдчилан сэргийлэх нь" сэдэвт уулзалт, ярилцлагыг зохион байгууллаа

2017/12/01, 11:18 0

ДОХ-той тэмцэх дэлхийн өдрийг тохиолдуулан БОЭТ, ЛЭОС, ГБХЗХГ-аас хамтран "ХДХВ, ДОХ, БЗДХ-т өвчнөөс урьдчилан сэргийлэх нь" сэдэвт уулзалт, ярилцлагыг зохион байгууллаа. Тус уулзалтаар Дорнод аймгийн хүн амын дунд ХДХВ, ДОХ-ын халдварын тохиолдлыг бууруулах ажлын талаар төрийн болон ТББ-уудаас хийж буй ажлын талаар мэдээлэл солилцож, хамтран ажиллах саналыг хэлэлцлээ.

12-р сарын 01-ний өдөр зохион байгуулагдах үйл ажиллагаа:

- ГБХЗХГ-аас "Залуусын хүч төсөөллөөс илүү" нөлөөллийн үйл ажиллагааг 11.00- 15.00 цагийн хооронд зохион байгуулна. Тус үйл ажиллагаанд ДИС, ПТК, МСҮТ-ийн залуу багш, оюутан залуучууд нэгдэн оролцож, хамтран ажиллах юм.

- БОЭТ-ийн ДОХ/БЗДХ-ын кабинет 11-р сарын 30,12-р сарын 1, 2-ны өдрүүдэд 08.00-19.00 цаг хүртэл ажлын цагаа сунган ажиллана.

- ЗБОХ, ЭМГ, УЗХороо хамтран "Дэвжээ" тэмцээнийг 16.00 цагт ПТК-ийн урлаг зааланд зохион байгуулна.

- БОЭТ, ЭМГ, УЗХорооноос тус тус ЕБС-ийн сурагчдад "ХДХВ, ДОХ, БЗДХ-т өвчнөөс урьдчилан сэргийлэх нь" мэдээллийг тус тус хүргэн ажиллах юм.

Уулзалт, ярилцлагад "Залуусын хүч төсөөллөөс илүү" нөлөөллийн үйл ажиллагааны зохион байгуулагч ГБХЗХГ-ын мэргэжилтнүүд, ДИС, ПТК, МСҮТ-ийн залуу багш, оюутнууд, ЕБС-ийн нийгмийн ажилтнууд болон Дотно зөвлөгч төвийн гишүүд зэрэг 60 гаруй залуучуудын төлөөлөл оролцож, тус сэдвээр мэдээлэл авч, санал солилцлоо.

URL: http://www.choibalsan.mn/index.php?newsid=25993

Танд манай сайт таалагдаж байвал Like дарна уу. Танд баярлалаа

Танд мэдээ таалагдаж байвал Like дарна уу.

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд choibalsan.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг манай сайтын зүгээс устгах эрхтэй!