Хөгжил гэж ярьсан залуучууд эргэн тойронд минь олон байна. Өөрийгөө хэрхэн хөгжүүлэх вэ? гээд амжилтад хүрсэн хүмүүсийн туршлагыг уншдаг. Энэ зөв үйлдэл. Гэсэн хэдий ч хүн бүрийн амьдралын зам мөр өөр учраас та л өөрийнхөө зохиолыг бичнэ шүү дээ. Тиймээс хэт хөгжлийн төлөө явахаас илүүтэйгээр өөрийгөө сонсох хэрэгтэй байх. Би юунд дуртай вэ? би юуг сайн чаддаг билээ? Гэх мэт. Хэрвээ та хамгийн их хийхийг хүсч байгаа тэр ажлаа олчихвол аугаа хүн болох болно.

АНУ-ын ерөнхийлөгч Авраам Линкольн гуталчны хүү байсан ч АНУ-ын ерөнхйилөгч болж чадсан нэгэн. Тухайн үеийн язгууртнууд энэ бол доромжлол гэж үзсэн .Түүнийг тангараг өргөх гэж байхад нэг сенатор босж ирээд :-Ноён Линкольн хэдийгээр та азаар, санамсаргүй  байдлаар ерөнхийлөгч болсон ч гуталчны хүү гэдэг гарвалаа битгий мартаарай гэжээ. Гэтэл Линкольн : -Намайг тангараг өргөх гэж байхад миний аавын тухай сануулсанд гялайлаа . Миний эцэг аугаа хүн байсан юм. Түүний хийсэн гутал төгс урлаг болдог .Би ямар ч мундаг ерөнхийлөгч байсан аавынхаа хаана нь ч хүрэхгүй хүн гэж хариулжээ.  Аугаа хүн гэхээр дээд язгууртай, эрдэмтэй, чадалтай хүн биш. Хүн бүр өөр өөрийн дахин давтагдашгүй мөн чанартай. Түүнийгээ нээсэн хүмүүс аугаа болж чаддаг. Тиймээс хэн нэгэнд танигдсан хүн шиг байхын төлөө хичээх хэрэггүй. Зүгээр л өөрийнхөөрөө бүгдийг хийж үзэж, өөрийн сурах арга барилаар өөрийгөө нээгээрэй.  Тань шиг сэтгэдэг, боддог, бүтээдэг хүн энэ дэлхийд байхгүй. Та цор ганц хувилбар болохоор аугаа хүн болж чадна.   

---