БНХАУ-ыг байгуулсны 65 жилийн ой өчигдөр тохиолоо. Үүнтэй холбоотойгоор энэ сарын 4-нийг хүртэл Хятадын хилийг хааж байгаа аж. Учир нь, Монгол Хятадын хооронд байгуулсан хэлэлцээрт зааснаар орон даяар тэмдэглэдэг, тухайн улсын үндэсний хэмжээний баяраар хоёр тал хилийн боомтуудаа хааж амрахаар тусгасан байдаг юм байна. 1949 оны аравдугаар сарын 1-нд БНХАУ-ыг байгуулж тус өдрийг Тусгаар тогтнолын баярын өдөр хэмээн тэмдэглэж иржээ. Дашрамд, Хятад улс Тусгаар тогтнолын баяраа алтан долоо хоног хэмээн нэрлэдэг юм байна.

---