АН бол үндэсний хэмжээний том нам. Нэг үндэсний хэмжээний том нам,  гэсэн атлаа  МАН-ын гологдол, гомдогсодоос бүрдсэн МАХН гэгчтэй нийлнэ ээ гэдэг том гутамшиг л даа. Уг нь олон улсын жишиг гэж нэг юм байна. Мөн үзэл баримтлал, хөгжлийн чиг баримжаа за намуудын дүрэм, журам, ёс зүй гэж байна аа.
АН ИЗН-тай эвссэн бол болно. МАН МАXН-тай эвссэн бол болно. Нөгөө компаний намууд яаж авирлах нь тэдний хэрэг. Би ингэж л үзэж байна. М.Энхсайханыг МАН нэг удаа авчирч лекц уншуулахад бөөн юм болж байсаныг санаж байна.
АН одоо УИХ-д АН 35 суудалтай байгаа. ИЗНН 2 суудалтай. МҮАН-аас Н.Батцэрэг, Г.Уянга, М.Содномпил, Л.Цог нартай (эд бүгд АН-ын угшилтай) эвсэхэд Засгийн газраа байгуулж чадна. Даан ч АН-д ийм ухаан гаргах удирдлага алга байна гэдэг үнэхээр харамсалтай
Л.Цог, Н.Батцэрэг, Г.Уянга, М.Содномпил нар цэвэр АН-д зүтгэж явсан хүмүүс. Саяхандаа Н.Энхбаяр гуайг Ерөнхийлөгч байхад эд нар Ард түмний Их хуралдай хуралдуулна, Авилгачдыг огцруулна гээд жагсаж байсан. Дэмжээд жагсаалд нь хаврын хүйтэнд оролцож байсан шударга иргэд мартаагүй л байгаа.
Д.Батцогт зөв нүүдэл хийгээд АН-даа орж байна. Г.Уянга, Л.Цог, М.Сономпил, Н.Батцэрэг нар ийм алхам хийх л хэрэгтэй. Үзэл бодолдоо үнэнч байна аа гэдэг хамгийн гол асуудал юм.
Нөгөө талаар манай МАН хажууд нь ардчилсан замаар хөгжиж байна. Алдаа гаргасан дарга нараа огцруулдаг, хэрэгцээ гарвал шахаж шаардаад Их хурлаа хуралдуулж чаддаг.
Н.Алтанхуяг 2008 оноос АН-ын дарга хийж байна. Онохоосоо алдах нь дэндүү олон байхад гишүүд, дэмжигчид нь таг чиг, ус балгасан мэт л байх юм.
Ардчилсан нам хүчтэй лидергүй болчихлоо гэж үү?!! Ардчилсан зарчмаасаа ухраад хэдэн тийшээгээ харчихлаа гэж үү ?!! гайхмаар…

Хөгжлийн бодлого судлаач  М.Найданхүү

https://www.facebook.com/naidankhuu.minjigdorj

---