Өнөөдөр Улаанбаатар хотод Дорнод аймгийн Дашбалбар сумын Буриад зоны нутгаа дурсан бахархсан сэтгэл дүүрэн тоглолт "Бөхийн өргөө"-нд болж байна. Энэхүү арга хэмжээнд нутгаас төрж гарсан урлаг соёлынхон болон тус сумын сургуулийн сурагчид Улаанбаатар хотод суугаа нутгийнхандаа дуун сацал өргөж байгаа бөгөөд нутгийн брэнд болон ард иргэдийн гар урлал, бэлэг дурсгалын зүйлийг дэлгэсэн сар шинийн худалдаа болж байна.

 

Гар урлалд буриад зон олны соёлын үнэт хэрэглэл болсон дээл хувцасны өвөрмөц онцлогийг харуулсан хувцас хэрэглэлийг нутгийн өндөр настан Д.Цэрэнхандын гар аргаар арьсаа элдэж боловсруулаад утаж бэлтгэсэн эрэгтэй. эмэгтэй /басган/ арьсан дээлнүүд нүд хужирлаж байлаа. Мөн нутгийн иргэн Х.Батзоригийн хийж урласан хайчилбар, цоолбор, оёдол, хатгамал илүүтэй анхаарал татаж байсан. 

 

Мөн нутгийн зон олны цагаан идээний амталгаат үзэсгэлэн худалдаа болж байн.

Уг "Бахархан дурсагдах Дашбалбар нутаг минь" тоглолтыг Дашбалбар сумын 90 жилийн ойн комисс, Улаанбаатар хот дах нутгийн зөвлөл, Миний Буриад нэгдэл, Дашбалбар сумын оюутан залуучуудын холбоо хамтран зохион байгуулж, ирж буй Галзуурауулагч хэмээх хонин жилийн босгыг нутгийн зон олноороо дуу хуур дүүрэн угтаж байгаа ажээ.