Улсын Ерөнхий Прокурорын 2015 оны 08 дугаар сарын 11-ний өдрийн А/88 дугаар тушаалаар батлагдсан "Прокурорын хяналтын ажилд болон хэрэг бүртгэх, мөрдөн байцаах ажиллагаанд эрүүгийн байцаан шийтгэх хуулийг дагаж мөрдөх аргачилсан заавар”-аар Дорнод аймгийн прокурорын газраас 2015 оны 08 дугаар сарын 24-ны өдөр Цагдаагийн газрын хэрэг бүртгэлт, мөрдөн байцаалтын ажиллагаа явуулах эрх бүхий нийт албан тушаалтнуудад, 2015 оны 08 дугаар сарын 25-ны өдөр Улсын Ерөнхий Прокурорын 2015 оны 08 дугаар сарын 11-ний өдрийн А/89 дугаартай тушаалаар батлагдсан "Ял эдлүүлэх ажиллагаанд тавих прокурорын хяналтын аргачилсан заавар”-аар Шүүхийн шийдвэр гүйцэтгэх алба болон тахарын алба хаагч нарт тус тус сургалт хийлээ.

Мөн аймгийн прокуророос дээрх хууль хяналтын байгууллагуудын удирдах албан тушаалтнуудтай 2015 оны 08 дугаар сарын 28-ний өдөр биечлэн уулзаж аргачилсан заавруудыг нэг мөр хэрэгжүүлж ажиллах талаар үүрэг, чиглэл өгөхийн зэрэгцээ Улсын Ерөнхий прокурорын тушаалаар батлагдсан заавруудыг мөрдүүлж, биелэлтэнд нь өдөр тутмын хяналт тавьж ажиллах тухай албан бичгийг, аргачилсан заавруудын хамт холбогдох хууль хүчний байгууллагуудад хүргүүлж ажилласан байна.

Дээд шатны прокурорын зүгээс 2015 оны 09 дүгээр сарын 10-ны өдөр тус аймгийн Цагдаагийн газрын хэрэг бүртгэгч, мөрдөн байцаагч нараас "Прокурорын хяналтын ажилд болон хэрэг бүртгэх, мөрдөн байцаах ажиллагаанд эрүүгийн байцаан шийтгэх хуулийг дагаж мөрдөх аргачилсан заавар”-ыг хэрхэн хэрэгжүүлж байгаатай танилцаад зааврын холбогдох заалтуудыг нэг мөр хэрэгжүүлж ажиллаагүй зөрчлийг таслан зогсоох зорилгоор "Эрүүгийн байцаан шийтгэх хууль болон аргачилсан зааврын  заалтуудыг нэг мөр хэрэгжүүлж ажиллах тухай” 03 тоот, "Эрүүгийн хэргийн бүрдэл, хэрэг үдэх товъёог, дарааллын талаар” 04 тоот зөвлөмжүүдийг бичиж, Цагдаагийн газарт хүргүүлжээ.