Өнөөдөр орон даяар 2016-2017 оны хичээлийн шинэ жил эхэлж,  дүрэмт хувцсаараа гангарсан бяцхан хүүхдүүд сургуульдаа явж эхэлж байгаа. Тэгвэл дэлхийн улс гүрний хичээлийн шинэ жил хэзээ эхэлдэг талаархи мэдээллийг уншигчиддаа хүргэхээр бэлдлээ.

Их Британи
Их Британийн хүүхдүүд ихэвчлэн таван насны төрсөн өдрөөсөө өмнө сургуульд явж эхэлдэг байна. Тэд 11 нас хүртлээ бага сургууль, 16 эсвэл 18 нас хүртлээ дунд сургуульд сурдаг. Хичээлийн шинэ жил манайхтай адил есдүгээр сард эхэлж, долдугаар сард дуусдаг байна. Харин зуны амралт нь ердөө зургаан долоо хоногийн хугацаанд л үргэлжилдэг. Зул сар, Улаан өндөгний баяраар амардаг ажээ.

Испани
Испанид хуулийн дагуу 6-16 насны хүүхдүүд сургуульд сурах ёстой боловч, эцэг эх нь хоёулаа ажилтай тохиолдолд ихэвчлэн гурван настайгаасаа сургуульд явж эхэлдэг байна. Харин ихэнх хүүхдүүд дөрвөн сартайгаасаа эхлэн цэцэрлэгт явах бөгөөд цэцэрлэг нь өглөө 09.00-17.00 цаг хүртэл ажилладаг ажээ.  Хичээлийн шинэ жил есдүгээр сард эхэлж, зургадугаар сард дуусч, зуны амралт нь хоёр сарын хугацаанд үргэлжилдэг байна.

Коста Рика
1869 онд Коста Рика боловсролын үйлчилгээг үнэ төлбөргүй болгосон дэлхийн анхны улс болж байжээ.  Тус улсын хамгийн жижиг хот ч гэсэн сургуультай бөгөөд нийт хүн амын 95 хувь нь бичиг үсэг бүрэн тайлагдсан гэж үздэг байна.  Коста Рикагийн хувьд хичээлийн шинэ жил хоёрдугаар сарын эхний долоо хоногт эхэлж, арваннэгдүгээр сарын сүүлчийн долоо хоногт дуусдаг. Арванхоёр, нэгдүгээр сард амардаг аж.

АНУ
Америкийн хүүхэд багачууд наймдугаар сарын сүүлч, эсвэл есдүгээр сарын эхээр албандаа явж эхэлдэг байна. Харин зургадугаар сарын эхээр зуны амралт нь эхэлдэг байгаад зул сараар долоо хоног амардаг гэнэ.

Чех
Чех улсад хичээлийн шинэ жил есдүгээр сарын 1-нд эхэлд зургадугаар сарын 30-нд дуусдаг ажээ. Ерөнхийдөө хоёр семестирээс хичээл нь явагддаг бөгөөд бүх нийтээр амрах баяр ёслолын өдөр болон зул сар, улаан өндөгний баяраар амардаг аж.

Дани
Данийн хичээлийн шинэ жил наймдугаар сард эхэлдэг ажээ.  Харин зуны амралт нь зургаан сард болдог гэнэ.  Гэхдээ их дээд сургуулийн хувьд дунд, ахлах сургуулиас ялгаатай.  Оюутнуудын хувьд есдүгээр сард хичээлдээ явж эхэлдэг байна.

Австрали
Байгаль цаг уурын нөхцөл байдалтай холбогдуулан Австралийн хичээлийн шинэ жил нэгдүгээр сарын сүүл үеэр эхэлдэг байна.  Сурагчид ихэвчлэн таван настайдаа сургуульд явж эхэлдэг ажээ.

Норвеги
Норвеги улсад хичээлийн жил дөрөвдүгээр сарын сүүлээс эхэлдэг бөгөөд тус улс хүүхдүүдийг зургаан настайгаас нь сургуульд бүртгэж эхэлдэг байна. Сонирхуулахад, Норвегийн аль ч сургалтын байгууллагад хоолны газар байдаггүй. Зөвхөн сургууль төдийгүй цэцэрлэгт ч гэсэн хоолны газаргүй бөгөөд хүүхдүүд үдийн хоол, цайгаа бэлтгэн ирсээр энэ нь дасал болжээ.
Энэтхэг
Харин Энэтхэгийн хичээлийн шинэ жил зургаадугаар сарын 1-нд эхэлдэг байна.

Япон
Японд шинэ хичээлийн жил дөрөвдүгээр сард эхэлдэг ажээ. Япон эрдэмтэд хүүхдүүдийн сурах идэвх, сэтгэхүй хаврын улиралд хамгийн өндөр түвшинд хүрдэг хэмээх судалгааг гаргасан учраас ийнхүү дөрөвдүгээр сард бяцхан хүүхдүүд сургууль, цэцэрлэгтээ явдаг байна.  Япон хүүхдүүд зургаан настайдаа сургуульд ордог аж.

Африк
Харин Африкт нэгдүгээр ангийн сурагч дөрвөн настай байх ёстой гэх шаардлагыг тавьдаг. Гэвч тус улсын олонх хүн ам хүүхдээ зайлшгүй сургуульд суулгах албагүй хэмээн үздэг учраас сая, сая хүүхэд сургуулиас завсарддаг байна.

БНСУ
Харин БНСУ-ын эрдмийн баяр гуравдугаар сард болдог бөгөөд хүүхдүүд найман настайгаасаа ерөнхий боловсрол эзэмшиж эхэлдэг байна.

Тус улс элсэгчдийг маш сонирхолтой системээр бүртгэдэг. Тодруулбал, бага ангид элсэгчдээс эхлээд тусгай шалгалт авна. Дараа нь тус шалгалтад тэнцсэн хүүхдүүд сурахыг хүссэн сургуулиа сонгодог бол муу дүн авсан хүүхдүүд оногдсон сургуульдаа элсдэг байна.

Б.Даваа