Даваа гариг бүр болдог удирдах ажилтаны ээлжит шуурхай хуралдаан боллоо.Шуурхай хуралдааны эхэнд Засаг даргын тамгын газрын ОНХА-наас өнгөрсөн долоо хоногт болсон үйл ажиллагаануудын талаар мэдээлэл хийлээ.Өнгөрсөн долоо хоногт аймгийн Засаг дарга С.Ганбат БНХАУ-н Хөлөнбуйр аймагт ажлын айлчлал хийсэн бол аймгийн Засаг даргын орлогчоор ахлуулсан Халхголын байлдааны 75-н жилийн ойн комисс Халхгол суманд ажилласан байна. Мөн өнгөрсөн долоо хоногт Шинэ үеийн Онцгой байдлын алба үүссэний 10-н жилийн ой болсон байна.

 

Эдгээр мэдээллүүдийн дараа аймгийн Цагдаагийн газраас өнгөрсөн 14-н хоногийн хэв журам , гэмт хэргийн нөхцөл байдлын тухай мэдээллийг хийлээ. Өнгөрсөн 14-н хоногт 384 дуудлага мэдээлэл ирсний 78 нь гэмт хэргийн шинжтэй дуудлага мэдээлэл ирсэн байна. Мөн 296 хүн эрүүлжүүлэгдсний 282 эрэгтэй 16 эмэгтэй байна. Хамгийн харамсалтай нь 14-н хоногийн хугацаанд золгүй учрал 7 гарсан байна. Ер нь согтуугаар гэмт хэрэг хийх, захиргааны зөрчил гаргах , эрүүлжүүлэгдэх нь өссөн үзүүлэлттэй байна. Хуралдааны төгсгөлд аймгийн Засаг даргын зүгээс Хөлөнбуйр аймагт хийсэн айлчлалынхаа талаар мэдээлэл өгснөөр өндөрлөлөө.