УИХ-ын гишүүн М.Зоригт өнөөдөр Ерөнхий сайд Н.Алтанхуяг, ЗГХЭГ-ын дарга Ч.Сайханбилэг, ЭЗХ-н сайд Н.Батбаяр, холбогдох газрын дарга нартай уулзаж Сүхбаатар аймгийн Баруун-Урт-Бичигт чиглэлийн 272 км хатуу хучилтат авто замыг холбох хөрөнгө оруулалтын асуудлаар уулзлаа.

Уулзалтын үр дүнд МУ-ын Засгийн газрын шаардлагад нийцэх хөрөнгө оруулагч тал бүрдвэл ирэх 4-р сард багтан гэрээг байгуулан замын ажлыг эхлүүлж, энэ жилд Сүхбаатар аймаг Улаанбаатар – Баруун-Урт – Асгат – Эрдэнэцагаан – Бичигт боомтыг холбосон авто замтай болох юм.
Дашрамд дурдахад МУ-ын Засгийн газраас "Бичигт хилийн боомтыг цогцоор нь хөгжүүлэх” ажлын хэсэг байгуулагдсан бөгөөд ажлын хэсгийн бүрэлдэхүүн энэ сарын 21-нээс Бичигт боомтод ажиллана.

URL: http://www.choibalsan.mn/index.php?newsid=341