Анхны үнсэлт. Гайхамшигтай мөч шүү. Хэн ч гэсэн тэр л ариухан мөчийг хэзээ ч мартдаггүй биз. Тэгвэл хараахан түүнтэйгээ учраагүй байгаа, анхны үнсэлтээ мөрөөдөж буй хэн бүхэнд зориулсан 4 дүрэм байна.

Чи л хүсч байвал бүх юм "ОК”

Анхны үнсэлт хэзээ, хэдийд тохиох бол гэсэн хүлээлт байгаа л биз дээ. Зүгээр л зүрх сэтгэлээ дага. Үнсэлт болох нь эсвэл хараахан болоогүйг зүрх чинь чамд хэлээд өгнө. Тиймээс үнсэх цаг яг одоо гэдгийг мэдэрсэн л бол түүнийхээ халуухан уруулыг яг одоо мэдэр. Дотор хүн чинь худлаа ярина гэж байхгүй. Тэр чамд аз дагуулах болно гэдэгт мөрийцөхөд ч бэлэн байна. 

Санаачлагатай байхаас хэзээ ч бүү ай 

Зарим хүн анхны үнсэлтэд эрчүүд л хамаг хариуцлагыг хүлээж, эхлэл оршлыг зэрэг тавих ёстой гэж боддог байх. Тэгвэл "Миний хамгийн анхны хамгийн төгс үнсэлт бол найз охин маань намайг үнсэх тэр мөч байсан” гэж нэгэн залуу хариулжээ. Түүн шиг бодолтой олон залуу байгаа нь ч бас нууц биш. Тэгэхээр заавал найз хөвгүүнээсээ анхны үнсэлтийг хүлээлгүй өөрөө эхэлж яагаад болохгүй гэж. Харин ч түүний амьдралд хамгийн мартагдахааргүй мөчийг та л түүний сэтгэлд бас уруул дээр нь сийлж үлдээх нь байна.

Ихийг хүсэх боломж үлдээ 

Мэдээж, чи хамгийн сайхан эхлэлийг тавьж болно оо. Гэхдээ хамтрагчдаа дараагийн алхмаа хийх, бүр ихийг хүсэх боломж, цаг хугацааг үлдээхээ мартуузай. Бал бурам шиг үнсэлтийг яг л тийм амт дагаж ирэх болно. Тэгэхээр эхний үнсэлтийн дараа түүнд дахин хүсэх зай үлдээгээд түр зуур "амсхий”.

Таны шагнал романтик мөч 

Анхны үнсэлт хамгийн романтик дурсамж бий болгож, түүнээсээ өдөр бүр урган гарах сайхан үнэрийг хүний сэтгэлд тараадаг гайхалтай мөч билээ. Тийм ч болохоор анхны үнсэлт таны хувьд романтик, сэтгэл догдлуулсан мөчүүдээр сэтгэлийг тань мялаах болно. Тэгэхээр анхны үнсэлтээс айх хэрэггүй. Зүгээр л түүнийг дага, түүнийг хий.

URL: http://www.choibalsan.mn/index.php?newsid=5225