Өчигдөр Баян-Уул сумын 1-р багийн нутаг, сумын төвөөс зүүн урагш 40 км-т орших "Бооны ар” хэмээх газар хээрийн түймэр гарчээ. Уг түймэр салхиар дамжин Баяндун, Цагаан-Овоо, Сэргэлэн сумдад хүрч ихээхэн хохирол учруулаад байна.

Түймрийн улмаас гэрээ түймрээс хамгаалж байсан 5 иргэн түймэрт хайрагдаж, Баяндун сумын О гэх  85 хувь түлэгдэж иргэн амь насаа алдсан байна. Бусад 4 иргэнийг аймгийн төвд эмнэлэгт авчирч байгаа бөгөөд биеийн байдал гайгүй багаа талаар албаны хүмүүс мэдээллээ. Тус түймэрт өртөж 5 айл орон гэргүй болж, айлуудын мал, хашаа саравч, өвөлжөө тус тус гал түймрийн аюулд өртөөд байна. Хохирлын хэмжээг бүрэн тодорхойлоогүй байна. 04 дүгээр сарын 13-ны оройн  22:30 минутын байдлаар тус түймрийг унтраагаад байгаа юм. Түймэрт аймгийн Онцгой байдлын хэлтэс бүрэн бүрэлдэхүүнээрээ сумын иргэд нийт 447 хүн, 45 тээврийн хэрэгсэл ажиллажээ. Одоогоор түймрийн шалтгаан тодорхойгүй байгаа юм.

Аж ауйн нэгж, албан байгууллага, хувь иргэдээс хүнсний зүйлээр тусламж үзүүлж байна.

Тиймээс иргэд гал түймрээс урьдчилан сэргийлж, тамхины цог, үнс нурмаа сайтар унтраан, жолооч нар галын хор, түймэр унтраах цохиуртай явж, анхаарал болгоомжтой байхыг тус аймгийн Онцгой байдлын комиссоос нийт иргэдэд анхааруулж байна.

URL: http://www.choibalsan.mn/index.php?newsid=1378