Түүнээс 10-н жилийн дараа өсөж өндийсөн нутаг Дорнод аймгийг зорьж, 13 сумдаар орохдоо гайхсан зүйл хүүхдүүд өнөөг хүртэл модон жорлонд бие засаж буй дүр зураг. Хувийн хэвшлийнхэн аль хэдийн шийдчихсэн байхад одоог хүртэл сургуулийн хүүхдүүд ийм орчинд байгааг хараад шоконд орсон. Энд нуух зүйл байхгүй. Бодит үнэн. Жорлонгийн асуудлыг би жижиг асуудал гэж боддоггүй . Энэ чинь хүний наад захын ариун цэвэрч байх, эрүүл байх хэрэгцээ шүү дээ. Энэ мэт жижиг гэж хүмүүсийн боддог чухал асуудлыг он удаан жил дээр дооргүй анзаараагүй дүр эсгэн явсны гайгаар хүүхдүүдийн эрүүл мэндийн байдал түгшүүрийн харанга дэлдэхэд хүрчихжээ гэх дүгнэлт төрөв.

Жишээлбэл Баян-Уулд модон жорлон бүү хэл хүн хүүхдээ төрүүлэх гээд 200 километр явж байна шүү дээ. Энэ бол наад захын жишээ. Ингээд бодохоор баялгийн эзэд маань ямар үнэгүй болчихсон юм бэ. Газрын дор байгаа амьгүй нүүрс ийм их үнэд орчихоод, түүний төлөө улайран шунагсад ийм олон болчихоод байхад газар дээрх хүн яагаад үнэтэй болж болдоггүй юм бэ.

Энэ нийгэмд иргэд маань бодитой юм ярьж чаддаг улсыг сонсмоор байгаа юм. Яг зөв үг хэлж чаддаг улсуудыг ялгаж, олж сонсох чадвартай баймаар юм. Атаа хорсол тээсэн улсуудын дайралтаас болж нүдээ битгий тагла. Зөв хүн олон байгаа.

"Дорнод нутаг” клубын залуус улам нийлж, нягтарч бүр дуу хоолойгоо илүү зөв зүйлд чиглүүлж, чанга дугарах болно.

Otgonbaatar Sanjmyataｗ