Дорнод аймгийн Дашбалбар сумын нутаг дахь холимог металлын Улааны ордыг ашигладаг БНХАУ-ын 100 хувийн хөрөнгө оруулалттай "Шинь шинь” ХХК-ийн уурхайд дахин нэг хүн амиа алдсан ноцтой осол гарлаа.
Тодруулбал, өнгөрсөн сард тус компанийн далд уурхайд О гэх монгол залуу хүнд даацын машинд дарагдан нас барсан. Ослын шалтгаан, нөхцөлийг цагдаагийнхан гүйцэд тодруулж амжаагүй байтал өнгөрсөн бямба гаригт 32 настай С гэх хятад эр унаж амиа алджээ.
Нуралт үүссэний улмаас ашиглахаа больсон, 40 гаруй метрийн гүн нүхэнд тэрбээр ойчсон аж. Талийгаач тус компанийн ерөнхий инженерээр ажилладаг байжээ. Уурхайн нүхэнд хүн унасан тухай дуудлага Дорнод аймгийн Онцгой байдлын газарт энэ сарын 3-ны 00.32 цагт ирсэн бөгөөд Аврах анги болон Цагдаагийн газрын 12 алба хаагч очиж, цогцсыг гарган авсан байна.
Дашрамд дуулгахад, "Шинь шинь” компанийн уурхайн барилгыг улсын комисс хүлээн аваагүй байтал одоо үйл ажиллагаа явуулсаар байгаа юм. Өөрөөр хэлбэл Хятадын компаниуд манай улсад ямар их давуу эрхтэйгээр үйл ажиллагаа явуулаад байдагийн нэгэн тод жишээ энэ.
Г.Наран
Эх сурвалж: Zaluu.mn
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Санал болгох
-
Шинь шинь" компанийн хятад инженер нүхэнд унаж амиа алджээ
-
“Шинь Шинь” компанийн уурхайд осол гарч, монгол залуу амиа алджээ
-
Хятадын компанид ажилладаг монгол залуу хүнд даацын машинд дайруулж амиа ал ...
-
Шин Шинь компани эхний ээлжийн баяжмалыг экспортлов
-
Шинь шинь-д ажиллах иргэдэд зөвлөгөө мэдээлэл өгч байна
Сэтгэгдэл бичих