Драмын урлагийн шилдгийг тодруулах "Гэгээн муза” олон улсын наадам 11 дэх жилдээ ёслол төгөлдөр болж өндөрлөлөө. Энэ удаагийн наадамд Дорнод аймгийн Алтан гадас одонт Хөгжимт Драмын Театр "Ван хүний үр” бүтээлээрээ оролцсон юм. Манай театрын уран бүтээлчид уг наадмын дуулалт жүжгийн зургаан номинацид нэр дэвшин өрсөлдсөнөөс жүжигчин А.Одсүрэн "Шилдэг эрэгтэй гол дүр”, жүжигчин Ариунчимэг "Шилдэг эмэгтэй гол дүр”-ийн шагналыг тус тус хүртлээ. Ийнхүү Дорнодын театр хос "Гэгээн муза”-тай боллоо.

---