Эзэн Чингис хааны мэндэлсний 852 жилийн ой, Монгол бахархлын өдөрт зориулсан чансаа өндөр хүчит 128 бөхийн барилдаан Монгол бөхийн өргөөнд болж өнгөрлөө. Уг барилдаанд Увс аймгийн Улаангом сумын харъяат, БХИС, "Гарьд зам” компанийн бөх Монгол Улсын харцага Ө.Бат-Орших түрүүлж, Увс аймгийн Баруунтуруун сумын харъяат, "Хилчин” спорт хороо, "Увс нуур” дэвжээний бөх Монгол Улсын аварга С.Мөнхбат үзүүрлэлээ.

Монгол Улсын Ерөнхийлөгч Ц.Элбэгдорж хүчит 128 бөхийн барилдаанд түрүүлж үзүүрлэсэн бөхчүүдэд болон их шөвөгт шалгарч барилдсан  Монгол Улсын гарьд Б.Гончигдамба, Монгол Улсын харцага Ц.Содномдорж нарт "Монгол бахархал” өргөмжлөл, шагнал гардуулан өглөө.

ЧОЙ

URL: http://www.choibalsan.mn/index.php?newsid=6386