Шинэ загварын Wake сэрүүлэг хүн бүрт тохируулан үүрийн гэгээг бий болгодог учраас оронд хамтдаа хэвтэж байгаа хоёрын нэгийг нь ультра авианы тусламжтайгаар сэрээхдээ нөгөө хүнийг нь ер оролддоггүй байна. Wake сэрүүлэг Wi-Fi-аар дамжуулан ухаалаг гар утасны хавсралттай холбогдох бөгөөд тэр нь сэрээх шаардлагатай хүнийг зааж өгдөг аж. Улмаар ухаалаг төхөөрөмж тэр хүнийг биеийн дулаан ялгаруулах төхөөрөмжийн тусламжтайгаар олдог байна. Үүний дараагаар төхөөрөмж тэр унтаж буй хүний зүгт ультра авиан долгионыг илгээнэ. Төхөөрөмж маш тодорхой чиглэгдсэн долгионыг илгээх учраас тэр нь зөвхөн нэг хүнийг л сэрээх боломжтой. Үүнтэй зэрэгцэн тэр хүний нүүр рүү гэрэл тусах бөгөөд тэр нь нарны гэрлийг орлодог юм. Ингэснээр тэр хүн сэрэхэд хүрнэ.
Сэрсэн мөртлөө тухайн хүн цааш харан хэвтээд унтах юм бол уг сэрүүлэг мөчөөгөө өгөхгүй бөгөөд эзнээ орноосоо босох хүртэл ажиллах гэнэ. Энэ ухаалаг төхөөрөмжийг Лос-Анжелес хотын Lucera Labs компани зохион бүтээсэн бөгөөд үйлдвэрлэлд уг сэрүүлгийг нэвтрүүлэхэд шаардлагатай 100 мянган долларыг цуглуулах ажлыг эхлүүлжээ. Хөрөнгө цуглуулж чадвал эхний төхөөрөмж эзэндээ энэ оны есдүгээр сар гэхэд очих юм. Нэг сэрүүлгийн үнэ 250 доллар байх гэнэ. Эх сурвалж www.wikimon.mn
URL: http://www.choibalsan.mn/index.php?newsid=9050
Танд манай сайт таалагдаж байвал Like дарна уу. Танд баярлалаа
Танд мэдээ таалагдаж байвал Like дарна уу.
Сэтгэгдэл бичих