Монгол Улсын Шадар сайд, Улсын Онцгой комиссын дарга У.Хүрэлсүхээр ахлуулсан Улсын Онцгой комиссын Шуурхай бүлэг энэ сарын 16-23-ны өдрүүдэд зүүн аймгуудад ажиллаж, өвөлжилтийн нөхцөл байдалтай газар дээр нь танилцана.

Дорнод аймгийн өвөлжилт хүндэрсэн зарим сумд буюу Баян-Уул, Баяндун, Сэргэлэн, Цагаан-Овоо, Баянтүмэн сум, Чойбалсан хотод 01 сарын 18-20-ны өдрүүдэд ажиллаж, өвөлжилтийн байдалтай танилцан, орон нутгийн Онцгой комисст заавар, зөвлөгөө өгч, цаг үеийн шинжтэй зарим тулгамдсан асуудлыг газар дээр нь шийдвэрлэх юм.