Гэр бүл, хүүхэд, залуучуудын хөгжил, хамгааллын талаарх холбогдох хууль, тогтоомжийн хэрэгжилтэд олон нийтийн санаа бодлыг хандуулах, нийгмийг соён гэгээрүүлэх, эерэг хандлагад уриалахад хэвлэл мэдээллийн байгууллагын үүрэг оролцоог нэмэгдүүлэх зорилгоор орон нутгийн телевизүүдтэй хамтран ажиллах САНАМЖ бичигт гарын үсэг зурлаа. Уг үйл ажиллагаанд орон нутгийн МИЖИ, ШИНЭ СУВАГ, ДОРНОД, PBS, TV6-үүд оролцсон бөгөөд Гэр бүл, хүүхэд, залуучуудын хөгжлийн газрын дэргэдэх хөтлөгч нэвтрүүлэгчийн дугуйлангийн авьяаслаг хүүхдүүд тус үйл ажиллагаанд оролцогчдод дуу шүлгийн мэндчилгээ хүргэлээ.