Дэлхийн банкны санхүүжилтээр Ашигт малтмалын газрын Кадастрын хэлтэст "Уул уурхайн кадастрын компьютержсэн системийг интернэтийн орчинд байршуулах төсөл"-ийг хэрэгжуүлж дуусчээ. Кадастрын компьютержсэн систем нь орчин үеийн газарзүйн мэдээллийн систем болон хүчирхэг өгөгдлийн санд суурилсан, кибер аюулгүй байдал, найдвартай ажиллагааг бүрэн хангасан аж.

Уг цахим системийг ашигласнаар ашигт малтмальш тусгай зөвшөөрлийг богино хугацаанд олгох, кадастрын үйл ажиллагааны ил тод байдалд ахиц гарах зэрэг ач холбогдолтой юм байна. АМГ-ын Кадастрын хэлтсийн дарга Н.Чинбаатар "Дотоод, гадаадын хөрөнгө оруулагчид цахим хуудаснаас (cmcs.mram.gov.mn) кадастрын мэдээллийг түргэн шуурхай, хүртээмжтэй авах юм. Тусгай зөвшөөрлийн өргөдөл гаргах сул талбайг олж давхцалыг шалгах, тухайн өргөдөл нь аль шатанд байгааг үзэх, аймаг, сумын Засаг дарга, холбогдох ажилтнууд кадастрын мэдээллийг ашиглан шийдвэр гаргах боломжтой" хэмээн ярилаа.

Өөрөөр хэлбэл, тусгай зөвшөөрөлтэй холбоотой өргөдлийг онлайнаар өгөх боломж бүрдэж буй гэнэ. Мөн зөвшөөрлөө сунгуулах, төлбөр хийх зэрэг асуудлаар заавал АМГ-ыг зорих шаардлагагүй болжээ. 2012-2014ондхэрэгжсэн уг төслийг ХБНГУ-ын кадастрын системийг суурилуулах ихээхэн туршлага-тай, мэдээллийн технологийн зөвлөх үйлчилгээ үзүүлдэг "ГАФАГ' компани хийж гүйцэтгэсэн байна.

Ц.Болормаа /ГЕОЛОГИ УУЛ УУРХАЙН МЭДЭЭ/

URL: http://www.choibalsan.mn/index.php?newsid=2565