Нигер улсад лалын хэт даврагсдын Боко Харам бүлэглэл дахин халдлага үйлдэж 30 гаруй хүнийг хөнөөсөн хэрэг гарчээ. Тодруулбал, тус улсын зүүн хойд хэсгийн Ёбо мужын цэргийн бааз болон цагдаагийн хэлтэс рүү зэвсэглэсэн этгээдүүд дайрч 18 цэрэг, 15 цагдаагийн ажилтны аминд хүрсэн байна. Уг хэрэг өнгөрсөн даваа гарагийн шөнө Буни Яди хотод болжээ.

Нигер нь Африкийн хамгийн их хүн амтай улс бөгөөд тус улсын умард хэсэгт төвлөрдөг лалын шашинтнууд улсынхаа дийлэнх хувийг эзэлдэг байна. Харин цөөнх болдог Христийн шашинтнууд өмнөд хэсэгт амьдардаг аж. Иймээс шашин хоорондын зөрчил мөргөлдөөн тус улсыг туйлдуулаад байгаа юм. "Барууны боловсрол бол нүгэл” гэж орчуулагдаж болох Боко Харам нэртэй лалын хэт даврагсадын бүлэглэл нь Нигерт лалын тусгаар улсыг байгуулах зорилготойгоор алан хядах үйл ажиллагаа явуулж олон мянган хүний аминд хүрээд байна.

URL: http://www.choibalsan.mn/index.php?newsid=2980