УЛЬХАН МАЙХАН БООМТОД “UNITEL” КОРПОРАЦИЙН ҮҮРЭН УТАСНЫ СҮЛЖЭЭ НЭВТЭРЛЭЭ

2014/12/25, 11:30 0

Гаалийн газрын зүгээс алслагдсан боомтуудын харилцаа холбоог сайжруулах, холбооны зардлыг багасгахад анхаарч ажилласаар ирсэн. Үүний нэг жишээ нь 2013 онд Хавиргын боомтод хаагдаад байсан үүрэн утасны сүлжээг дахин сэргээж G-Mobile-ийн сүлжээг оруулсан билээ. Энэ ажлын үргэлжлэл болгож газрын зүгээс Мэдээлэл харилцаа холбооны газарт удаа дараа хүсэлт гаргасны дагуу Ульхан майхан боомтод үүрэн телефоны сүлжээ тавих сонгон шалгаруулалт зарлагдан "Исатком” ХХК VSAT төхөөрөмж суурилуулснаар Юнителийн сүлжээ бүрэн орлоо. Үүрэн телефоны сүлжээгүй байсан нь, Роуминг үйлчилгээг сонгож гадаад улс уруу ярих тарифаар албан ажил болон гэр бүлтэйгээ холбогдоход нэг мессэжийг 765 төгрөгөөр бичдэг байсан нь иргэдэд санхүүгийн хувьд хүндрэлтэй байсан асуудал ийнхүү шийдэгдлээ.

Аймгийн гаалийн газрын зүгээс "Юнител” корпарацитай хамтран ажиллах гэрээ байгуулснаар тус компанийн байгууллагын багцын үйлчилгээнд хамт олноороо хамрагдаж барьцаа хураамж болон дараа төлбөрт 8603 серитэй хөрвөсөн азын дугаарын бүртгэлийн хураамжаас 100% хөнгөлөгдөж, урамшуулалд нь 2 симтэй NOKIA маркийн гар утасыг түгээсэн байна.

Дээрх урамшуулалд гаалийн газрын нийт албан хаагчдын 49 % буюу 29 албан хаагчид хамрагдсан байна .

Байгууллагын багцад хамт олноороо хамтрагдсанаар албан хаагчид өөр хоорондоо Юнителийн сүлжээгээр үнэгүй холбогдож цаг алдалгүй мэдээлэл солилцох боломжоор хангагдахаас гадна сар бүр утасны төлбөр 30000 ба түүнээс дээш төгрөг төлдөг байсан албан хаагчид дээрх багц үйлчилгээнд хамрагдсанаар 8000-19000 төгрөг хэмнэх боломжтой боллоо.

Dnews.mn

URL: http://www.choibalsan.mn/index.php?newsid=6944

Танд манай сайт таалагдаж байвал Like дарна уу. Танд баярлалаа

Танд мэдээ таалагдаж байвал Like дарна уу.

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд choibalsan.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг манай сайтын зүгээс устгах эрхтэй!