Төр засгийн болон аймаг орон нутгийн бодлого шийдвэрийг орон нутагт хэрэгжүүлэх, төр иргэний уялдаа холбоог сайжруулан,  иргэдэд хүргэх үйлчилгээний чанар, хүртээмжийг нэмэгдүүлэх,  аймгийн нийгэм, эдийн засгийг хөгжүүлэх 2014 оны үндсэн чиглэлийн хэрэгжилтийг хангах зорилгоор  зохион байгуулдаг "Иргэдтэй уулзах өдөр” арга хэмжээ болж өнгөрлөө. Тус өдөрлөгийг  аймгийн Засаг даргын Тамгын газар, Хэрлэн сумын Засаг даргын Тамгын газар, Засаг даргын дэргэдэх хэлтэс, агентлаг, тасаг, алба, 10 багийн ажлын албад хамтран Хэрлэн сумын 10 багт 03 дугаар сарын 24-ний өдөр буюу даваа гарагт:
• 2, 3, 7 дугаар баг аймгийн Хөгжимт драмын театрт 10.00 цагт
• 4, 6, 9, 10 дугаар баг Политехник коллежид 14.00 цагт03 дугаар сарын 25-ны өдөр буюу Мягмар гарагт:
• 1, 5, 8 дугаар баг 1 дүгээр багийн Ахуйн үйлчилгээний төвд 10.00 цагт тус тус зохион байгуулж ажиллаа.

Энэ удаагийн арга хэмжээнд ИТХ-ын дарга Р.Зоригтбаатар, аймгийн Засаг дарга С.Ганбат, Хэрлэн  сумын Засаг дарга Ж.Энхцэцэг нар оролцож төр засгийн бодлого шийдвэрийн хэрэгжилт, цаг үеийн ажил байдлын талаар мэдээлэл хийж, иргэдийн санал хүсэлтийг сонсож, газар дээр нь хариулт өгч ажиллалаа. Иргэдтэй уулзах энэхүү өдөр нь аймгийн Засаг дарга С.Ганбат ажлаа хүлээн авч томилогдсоны 90 хоног тохиосон бөгөөд 90 хоног санаачилж, хийж хэрэгжүүлсэн ажил болоод энэ онд хийгдэх бүтээн байгуулалтын ажлынхаа талаар иргэд мэдээлэл өгч ажилласан юм. Энэхүү "Иргэдтэй уулзах өдөрлөг” зохион байгуулагдаж байгаад талархалтай байгаагаа иргэд энэ үеэр дуулгаж байлаа. Цаашдаа аймаг, орон нутагтаа хийж хэрэгжүүлж байгаа ажлаа иргэддээ хэвлэл, мэдээллийн хэрэгслээр сар бүр тогтмол мэдээлэн ажиллаж байх болно гэдгээ хэллээ. Мөн иргэдтэй уулзах уулзалтын үеэр аймгийн Засаг даргын дэргэдэх агентлаг, хэлтсүүд өөрсдийн үйл ажиллагааг сурталчилж, иргэдэд нэг цэгээс үйлчилгээ үзүүлж ажилласан юм.

---