Галын ослын улмаас их хэмжээний хохирол амссан "Петрочайна Дачин Тамсаг” компанийн ачих хэсгийн байгууламжийн гэмтлийг засварлаж дуусчээ. Тус компанийн олборлолтын 19 дүгээр талбайн ачилтын хэсэгт гарсан галын улмаас нефтийн тээвэрлэлт нь  90 хувиар буураад байсан аж.
Гэмтэлтэй холбоотойгоор  өнгөрсөн  сарын 18-нд л гэхэд 84 машин тээвэрт гарч байсан бол одоо  90 орчим  машинаар түүхий эдээ тээвэрлэж буй гэнэ. Сэргээн засварлах ажил дууссанаас хойш өдөрт дунджаар  2125 тонн нефть тээвэрлэж  байгаа талаар Газрын тосны газраас мэдээллээ.

---