Казахстаны Астана хотноо эмэгтэйчүүдийн дэлхийн аварга шалгаруулах боксын тэмцээн өнөөдөр тав дахь өдрөө үргэлжилж шигшээ наймд үлдэх тулаанууд эхэллээ.

Монголын баг тамирчдаас хоёр боксчин шилдэг 16-д үлдэж бусад нь тэмцээнээ өндөрлүүлсэн.

Эмэгтэйчүүдийн 48кг-д дөнгөж сая Дорнод аймаг Талын бүргэд клубын тамирчин Лутсайханы Алтанцэцэг Украины Наталья Князийн эсрэг тоглолоо. Манай боксчин дөрвөн үеийн турш илүүрхэж 38:38, 40:36, 39:37 онооны харьцаагаар өрсөлдөгчөө ялж наймд үлдснээр медалийн төлөө тоглохоор боллоо.

Дэлхийн аваргын медалийн төлөөх тулаанаа Америкийн тамирчин олимпийн хүрэл, дэлхийн аваргын алт, хүрэл медальт Эспарза Марлентай хийхээр боллоо

URL: http://www.choibalsan.mn/index.php?newsid=17125