Канад – 18,

Швед – 18,

Чех – 12,

Франц – 11 оноотойгоор их шөвөгт үлдлээ.

Канад хоорондын тоглолтоороо Шведыг хожсон тул хэсгээ тэргүүлэв.

Чех сулхан тоглож байсан ч гандан буурахгүй Ягрынхаа тусламжаар яаж ийгээд багтчихлаа.

Франц гараанаасаа л Канадыг хожиж шуугиулаад, зүтгэсээр байж нэр хүндтэй Словакын өмнүүр гишгэж, өөрийн орны хоккейн түүхэнд шинэ хуудас нээв.

ОХУ – 21,

АНУ – 14,

Беларусь – 12,

Финланд – 11 оноотой гарцгаалаа.

Оросууд шинэ багаараа сайхан тоглож, ганц ч оноо алдалгүй итгэл төгс эхний шугаманд жагсав.

Овечкин нь Германтай тоглоход гэмтсэн ч их шөвгийн тоглолтонд эргэн ирнэ гэсэн сайн мэдээтэй, Супер довтлогч Малкиныгаа хамтрагчидтайгаа гар нийлхийг тохируулах гээд ирээдүй харагдаж байна аа.

АНУ-н шигшээ тун орон гаран, гаран орон тоглож байсаар яаж ийгээд л 2-р гарлаа. Сайн биш тоглосон төдийгүй бусад багууд хэн хэндээ найр тавилгүй уралцаж бас их дэм өгсөн.

Гэрийн нохойн сүүл өөдөө гэдгээр нутгийн баг бас л шуугиан тарьж хэсэгтээ аман хүзүүдэх шахлаа даа. Латвийг хожиход шүүгч тусласан гэж шивнээнд өртсөн ч ерөнхийдөө тун дажгүй тоглов. Ялангуяа өнгөрсөн шөнө Орсуудын эсрэг тун ширүүн үзлээ дээ. Үүнээс харвал боломж байх шиг.

Финландыг ёстой аз л ивээлээ дээ. Тун сул тоглолттой харагдана. Цааш хэрхэхийг тэнгэр л мэдэх байх. Латви гарцаагүй гарчих байсан ч сүүлийн тоглолтондоо яагаад ч хэсгээсээ гарах боломжгүй болсон Швейцарийг аргалж дөнгөсөнгүй. Ер яаж тоглох гээд байгаа нь мэдэгдэхгүй баахан гүйсэн хүмүүс л хожигдоод амандаа орсон шар тосоо түлхчихлээ.

21:00   ОХУ – ФРАНЦ

22:00   АНУ – ЧЕХ

01:00   КАНАД – ФИНЛАНД

02:00   ШВЕД – БЕЛАРУСЬ   гэж тоглох нь.

Бага шөвөгт миний бодлоор: 24-нд тоглох юм.

ОХУ – ШВЕД

ЧЕХ – КАНАД  байх болов уу даа.

Оросууд тун эвгүй тоглолттой Францтай таарлаа. Өнгөрсөн жил хожигдож байсан шүү дээ. Гэвч энэ удаад хариугаа авах байх.

Канад тодорхой.

Швед арай ч Беларусыг оодруулахгүй биз.

Чех зохион байгуулалт, талбайн сахилага батын болон зүтгэлийн давуугаар амеркуудыг даваад ойчих байхаа.

Дараагийн тойм хүртэл баяртай.