АНУ-ын ерөнхийлөгчийн сонгуульд нэр дэвшээд өрсөлдөж байгаа тэрбумтан Дональд Трампын Бүгд найрамдах намын Умард Каролина дахь сонгуулийн нь штабыг үл мэдэгдэх этгээдүүд шатаасан хэрэг гарчээ.

Хиллсборо хот дахь Оринж дүүргийн нь штабын байрны цонхоор шатаагч шингэнтэй шил шидэж шатаажээ. Хэлмэгдсэн хүн байхгүй ч тавилга, эд зүйл нь бүгд шатсан байна. Бас зэргэлдээх ханан дээр нь "Бүгд найрамдах намын нацистууд хотоос зайл, та нар шиг өөдгүй амьтад байхгүй” гэж бичсэн байжээ.

Дональд Трамп сонгуулийнхаа сурталчилгааны үеэр нэг биш удаа арьсны үзлийг дэвэргэсэн болон, эмэгтэйчүүдийг доромжилсон зүйл ярьсан нь олон нийтийн дургүйцлийг хүргэж эсэргүүцэлтэй тулгараад байгаа юм.

Бүгд Найрамдах намаас нэр дэвшсэн тэрбумтан Дональд Трамп болохоор энэ хэргийг өөрийн нь өрсөлдөгч Хилари Клинтоны талынхан үйлдсэн гэж шууд буруутгасан байна.

Харин Ерөнхийлөгчид Ардчилсан намаас өрсөлдөж байгаа Хилари Клинтон энэ хэргийг "аймшигтай, байж боломгүй хэрэг” гэсэн байна.
Эх сурвалж: www.assa.mn

---